COVID-19-ით გარდაცვლილთა 98.96% არ იყო ვაქცინირებული - NCDC
დაავადებათა კონტროლისა და საზოგადოებრივი ჯანმრთელობის ეროვნული ცენტრის მიერ გამოქვეყნებული სტატისტიკური ინფორმაციის თანახმად, საქართველოში COVID-19-ით გარდაცვლილ მოქალაქეთა 98.96% არ იყო ვაქცინირებული.
მათივე ცნობით, ქვეყანაში კორონავირუსით ინფიცირებულ მოქალაქეთა 95.92% აუცრელი იყო, ჰოსპიტალიზირებულთა შორის აუცრელი იყო 94.4%.
12 ნოემბრის მონაცემებით, სულ ჩატარებულია 2 032 939 აცრა. სულ მცირე 1 დოზით ვაქცინირებულია 1 066 310 ადამიანი. სრულად ვაქცინირებულია 961 973 ადამიანი - მოზრდილი მოსახლეობის 33.7%.
