დღეს თუ მოსკოვს რამე აწყობს, არის სააკაშვილის საქართველოში ყოფნა და რევოლუციური დაპირისპირების განვითარება, - განაცხადა პარლამენტის პირველმა ვიცე-სპიკერმა, გია ვოლსკიმ საქართველოს პირველი არხის გადაცემაში „აქტუალური შაბათი – მაკა ცინცაძესთან ერთად“.

„ნაციონალური მოძრაობის“ მხრიდან ეს რუსული თემა ისე ხშირად არის წამოწეული, რომ სააკაშვილს რუსეთი ემუქრება, მას რუსეთში გაიტაცებენ, რუსებს აწყობთ, პუტინის დავალებაა და ასე შემდეგ, რომ ეჭვი გიჩნდება და ლოგიკურ დასკვნაზე გავდივართ. ლოგიკური დასკვნა არის შემდეგი და საკმაოდ მძიმე – თუ დღეს მოსკოვს რამე აწყობს, არის სააკაშვილის საქართველოში ყოფნა და ამ რევოლუციური დაპირისპირების განვითარება, რომ ქვეყანამ სტაბილურობას ვერანაირად ვერ მიაღწიოს, რომ იქ თავის მოკავშირეებს გაუჩნდეთ შეკითხვები და ა.შ, რაც რეალურად ხდება და, რაც უფრო მძიმე სახით შეიძლებოდა, განვითარებულიყო, რომ არა მისი დაკავება“, – განაცხადა ვოლსკიმ.