მგონია, რომ მნიშვნელოვანია, მიხეილ სააკაშვილის ჯანმრთელობაზე იზრუნონ ექიმებმა და არა – პოლიტიკოსებმა, - განაცხადა პარლამენტის ვიცე-სპიკერმა დავით სერგეენკომ .

მისი თქმით, უცნაურია, რომ  სააკაშვილის ჯანმრთელობის საკითხებზე პოლიტიკოსები უფრო აქტიურობენ და მაღალ მოთხოვნებს აყენებენ, ვიდრე ექიმები.

„ერთობ, სულ მცირე უცნაური მდგომარეობა ჩამოყალიბდა, როცა მიხეილ სააკაშვილის ჯანმრთელობის საკითხებზე პოლიტიკოსები უფრო აქტიურობენ და მაღალ მოთხოვნებს აყენებენ, ვიდრე ექიმები. მგონია, ყველაზე გადამწყვეტია, რომ სამოქალაქო და სასჯელაღსრულების ექიმები ერთად დასხდნენ და პოზიციაში შეჯერდენენ, რადგან საბედნიეროდ როგორც სასიცოცხლო პარამეტრები, ასევე ლაბორატორიული ინსტრუმენტები, ტესტების პასუხები არის თვლადი და ორმაგ ინტერპრეტაციას ვერ გააკეთებ. მგონია, რომ მნიშვნელოვანია, მიხეილ სააკაშვილის ჯანმრთელობაზე იზრუნონ ექიმებმა და არა – პოლიტიკოსებმა.

დაწესებულების ექიმი ამბობს, რომ მასზე ზრუნვა მიმდინარეობს და ყველაფერი კონტროლდება. პოლიტიკური საკითხები გვერდზე უნდა გადაიდოს და ერთმანეთში ექიმები უნდა შეჯერდნენ, ამის გაკეთება რთული არ იქნება, თუ ამის ნება იარსებებს და პოლიტიკური ნაწილი ჩამოცილდება, მიუხედავად იმისა, რომ შიმშილობა პოლიტიკური ტრიგელია", - განაცხადა სერგეენკომ.