პარლამენტის საპროცედურო საკითხთა და წესების კომიტეტმა პარლამენტის წევრის ზურაბ გირჩი ჯაფარიძისათვის საქართველოს პარლამენტის წევრის უფლებამოსილების ვადამდე შეწყვეტის საკითხზე იმსჯელა და მხარი დაუჭირა.

კომიტეტის თავმჯდომარის, ირაკლი ქადაგიშვილის განცხადებით, კომიტეტმა განიხილა დეპუტატის პირადი განცხადება  პარლამენტის წევრის უფლებამოსილების შეწყვეტის  თაობაზე და შესაბამისი დასკვნა მოამზადა პარლამენტის ბიუროსთვის გადასაცემად.

პარლამენტი უახლოეს პლენარულ სხდომაზე განიხილავს და კენჭს უყრის შესაბამის დადგენილებას.

ზურაბ ჯაფარიძემ პარლამენტს დეპუტატის უფლებამოსილების შეწყვეტის თაობაზე თავად მიმართა.