რუსეთის პრეზიდენტი ვლადიმირ პუტინი ამბობს, რომ ნატო-მ რუსეთთან დიალოგის მექანიზმი თავად დააზიანა. მისი თქმით, ალიანსთან რუსეთის ურთიერთობა დამთრგუნველ ხასიათს ატარებს.

„ევროკავშირთან ურთიერთობაზე არანაკლებ დამთრგუნველი სიტუაცია ყალიბდება ჩრდილოატლანტიკურ ალიანსთან, რომელიც ავლენს ხაზგასმით კონფრონტაციულ განწყობას, ჯიუტად და დემონსტრაციულად აახლოვებს ჩვენს საზღვრებთან თავის სამხედრო ინფრასტრუქტურას“, - განაცხადა პუტინმა.

მისი თქმით, ნატო-მ თავისივე ინიციატივით დააზიანა რუსეთთან დიალოგის მექანიმზი.

„უფრო მეტიც, ნატო-მ თავისი ინიციატივით დააზიანა დიალოგის ყველა მექანიზმი. რა თქმა უნდა, რეაგირება გვექნება რუსეთის საზღვრების პერიმეტრზე ნატო-ს ქვეყნების სამხედრო აქტიურობაზე.

ნატო-მ უბრალოდ გარეთ გამოყარა ჩვენი დიპლომატები, შემდეგ კი თავად სწყინთ. თუ არ უნდათ ჩვენთან ურთიერთობა ნუ უნდათ, მაგრამ მათგან მაინც არის სიგნალი თანამშრომლობაზე, თითქოს სპორტი იყოს და არა დიპლომატია“, - განაცხადა პუტინმა ნატო-სთან თანამშრომლობის შესახებ საუბრისას.

„სახელმწიფო საზღვრიდან 20 კმ-ში ნატო-ს სტრატეგიული ბომბდამშენები დაფრინავენ. როგორც ცნობილია, ისინი ატარებენ ძალიან სერიოზულ იარაღს. ჩვენ არაერთხელ გამოვთქვით შეშფოთება ამასთან დაკავშირებით, ვლაპარაკობთ წითელ ხაზებზე. რა თქმა უნდა გვესმის, რომ ჩვენი პარტნიორები თავისებურები არიან და ზედაპირულად ეპყრობიან ჩვენს სიფრთხილეს და საუბრებს  წითლ ხაზებზე“, - თქვა პუტინმა.