აშშ-ის სახელმწიფო დეპარტამენტი პრემდივანი ნედ პრაისი მიხეილ სააკაშვილთან დაკავშირებით განცხადებას ავრცელებს:

"ჩვენ ყურადღებით ვადევნებთ თვალს ყოფილი პრეზიდენტის მიხეილ სააკაშვილის მიმართ მოპყრობას მას შემდეგ, რაც იგი 1-ელ ოქტომბერს დააკავეს.

ჩვენ მივესალმებით საქართველოს სახალხო დამცველის მიერ გაწეულ სამუშაოს დამოუკიდებელი სამედიცინო ჯგუფის შექმნაზე, რომელიც შეაფასებს სააკაშვილის ჯანმრთელობას და ციხის სამედიცინო დაწესებულების მდგომარეობას.

დაჟინებით მოვუწოდებთ საქართველოს მთავრობას, უმკურნალოს ბატონ სააკაშვილს სამართლიანად და ღირსეულად, ასევე გაითვალისწინოს სახალხო დამცველის რეკომენდაციები სათანადო მოპყრობასთან დაკავშირებით.

ჩვენ ასევე მტკიცედ მოვუწოდებთ საქართველოს მთავრობას, უზრუნველყოს, რომ ბ-ნი სააკაშვილი დაესწროს ყველა სასამართლო სხდომას, სადაც განიხილება მის წინააღმდეგ სისხლის სამართლის საქმეები.

ბ-ნ სააკაშვილს აქვს სამართლიანი სასამართლოს უფლება, რომელიც მოიცავს სასამართლო სხდომებზე პირადად დასწრების შესაძლებლობას, თუ ის ამას მოითხოვს", ნათქვამია განცხადებაში.