”იუკოსის” ექს-ხელმძღვანელზე მიხაილ ხოდორკოვსკიზე ნეფტეუგანსკის მერის ვლადიმირ პეტუხოვის მკვლელობის საქმესთან დაკავშირებით ინტერპოლმა საერთაშორისო ძებნა გამოაცხადა. ამის შესახებ ინფორმაციას რუსული სააგენტოები ავრცელებენ. თუმცა ინტერპოლის ბაზაში ხოდორკოვსკის გვარი არ ფიგურირებს.

ხოდორკოვსკის პრეს-მდივნის კიულე პისპანენის თქმით, მათ სპეციალური უწყება არ მიუღიათ. ”რას გააკეთებს ინტერპოლი არ ვიცი. მაგრამ ვიმედოვნებ, რომ ის დამოუკიდებელი ინსტანციაა რუსულისგან განსხვავებით”, - განუცხადა პრეს-მდივანმა ’ბი-ბი-სის” რუსულ სამსახურს.

11 დეკემბერს რუსეთის საგამოძიებო კომიტეტმა ნეფტეიუგანსკის მერის პეტუხოვის მკვლელობისთვის ხოდორკოვსკის ბრალი დაუსწრებლად წარუდგინა. მერის მკვლელობა 1998 წელს მოხდა. ხოდორკოვსკის ასვეე ადანაშაულებენ პეტუხოვის თანხმლებ პირზე ვიაჩესლავ კოკოშკინზე და ბიზნესმენ ევგენი რიბინზე მომხდარ თავდასხმებში, რომლის დროსაც ბიზნესმენის დაცვის ერთ-ერთი წევრი გარდაიცვალა.