ავტოსაგზაო შემთხვევას 6 მოზარდი ემსხვერპლა
საფრანგეთის ქალაქ როშფორში სკოლის ავტობუსისა და სატვირთო მანქანის შეჯახებისას ექვსი მოზარდი დაიღუპა.
ადგილობრივი მედიის ცნობით, მსუბუქი ტრავმები მიიღო სამმა ადამიანმა. მათ შორის ავტობუსის მძღოლმა. დანარჩენი რვა მოსწავლე არ დაშავებულა.
შემთხვევის ადგილზე იმყოფებიან სამართალდამცავები. ამ დროისათვის ავარიის მიზეზები უცნობია.
