აჭარის მთავრობის ადმინისტრაციაში ამ წუთებში რეგიონის მთავრობის სხდომა მიმდინარეობს, რომლის დღისწესრიგშიც 4 საკითხია შეტანილი.

აჭარის განათლების, კულტურის და სპორტის მინისტრი გიორგი თავამაიშვილი ისაუბრებს „აჭარის ავტონომიური რესპუბლიკის რესპუბლიკური ბიუჯეტიდან სპორტის სფეროში ღონისძიებების დაფინანსების ერთიანი ნორმების, თანხის გამოყოფისა და ხარჯვის ანგარიშგების წესების დამტკიცების შესახებ“ აჭარის ავტონომიური რესპუბლიკის მთავრობის 2012 წლის     5 ივნისის #90 განკარგულების ძალადაკარგულად გამოცხადების თაობაზე.

აჭარის მთავრობის საქვეუწყებო დაწესებულების საარქივო სამმართველოს ხელმძღვანელი მაია ივანიშვილი არქივის ტერიტორიული ორგანოების მიერ გაწეული მომსახურებისათვის დაწესებული საფასურის ოდენობების გადახდის წესისა და მომსახურების ვადების დამტკიცების შესახებ ისაუბრებს.

ხელვაჩაურის მუნიციპალიტეტის გამგებელი ნადიმ ვარშანიძე გამგეობისათვის სახელმწიფო შესყიდვის გამარტივებული შესყიდვით განხორციელების შესახებ თანხმობის თაობაზე გააკეთებს მოხსენებას.

აჭარის ფინანსთა და ეკონომიკის მინისტრის მოადგილე იონა წითელაძე აუდიტორიას მიაწვდის ინფორმაციას ბათუმის ძველ ბულვართან დაკავშირებით შექმნილი კომისიის საბოლოო რეკომენდაციების შესახებ.