სახელმწიფოს მიერ შექმნილი კონსილიუმის წევრის, ექიმ ნინო შარაშენიძის თქმით, მიხეილ სააკაშვილი წინა დღეებთან შედარებით თავს უფრო მხნედ გრძნობს და მისი კლინიკური მდგომარეობა გაუმჯობესებულია.

"თავს გრძნობს უფრო მხნედ, უფრო აქტიურია. საკვებსაც იღებს მკაცრად განსაზღვრული კალორაჟის მიხედვით, რასაც აწესებს ენდოკრინოლოგი და იყენებს დაავადებათა მართვის საერთაშორისო გაიდლაინს.

ფიზიკურად გაცილებით უფრო აქტიურია. დღეს იყო პირველი მცდელობა მისი გატარების. კრიზისულ დღეებს რაც შეეხება, ეტაპობრივად, ყოველდღიურად უკეთესად გამოიყურება, ფიზიკურადაც და ლაბორატორიულადაც. ბევრად უკეთესია მისი კლინიკური მდგომარეობა", - თქვა ნინო შარაშენიძემ.