12 თებერვალს თბილისში სასტუმროში „თბილისი-მარიოტი“ბაქო-თბილისი-ყარსის ახალი სარკინიგზო ხაზის სამმხრივი საკოორდინაციო საბჭოს მე-7 სხდომა გაიმართება.

სხდომაში მონაწილეობას მიიღებენ საქართველოს ვიცე-პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი, აზერბაიჯანის რესპუბლიკის ტრანსპორტის მინისტრი ზია მამედოვი, თურქეთის ტრანსპორტის, საზღვაო საქმეთა და კომუნიკაციების მინისტრი ბინალი ილდირიმი.

სხდომაზე გაკეთდება პრეზენტაციები ბაქო-თბილისი-ყარსის რკინიგზის პროექტის განხორციელების მიმდინარეობის შესახებ.

სხდომის დასასრულს დელეგაციათა ხელმძღვანელები სამმხრივი საკოორდინაციო საბჭოს ოქმს ხელს მოაწერენ.