დღეს "ფეიკის" სამყაროში გვაცხოვრებენ და ისინი ყვირიან, ხელოვნების მუზეუმს ანგრევენო, ვინც ამ მუზეუმს ანგრევდა, ან რომ ინგრეოდა, ხმას არ იღებდა, - განაცხადა კულტურის,  სპორტისა და ახალგაზრდობის მინისტრმა თეა წულუკიანმა პარლამენტში მინისტრის საათის ფარგლებში საუბრისას.

"დღეს "ფეიკის" სამყაროში გვაცხოვრებენ და ისინი ყვირიან, ხელოვნების მუზეუმს ანგრევენო, ვინც ამ მუზეუმს ანგრევდა, ან რომ ინგრეოდა, ხმას არ იღებდა. ან ყვირიან ისინი, რომ თურმე ჩვენ ვიღაცას ვაწამებთ, ვინც მართლაც მწამებელი და გამაუპატიურებელი იყო. ასეთი სიტყვაც არის ქართულში, ეს არ არის სიძულვილის ენა. ის, ვინც აუპატიურებდა პატიმარს, არის გამაუპატიურებელი. ის, ვინც კლავდა, არის მკვლელი და ა.შ. ერთ-ერთი ახლა გალიიდან გველაპარაკება. სიძულვილის ენაა, ალბათ, მაგრამ ვერ ვხედავ ამაში ვერავითარ პრობლემას.  

ქალბატონი სალომე ამბობს თავისი სოპრანოთი თუ რა ხმაა, არ ვიცი, ირაკლი ალასანიას პარტიაში რომ იყავიო... ირაკლი ალასანია კაცის მკვლელო არ ყოფილა არასდროს, მაგრამ თქვენი გალიაში მჯდომი ბელადი, რომელსაც ბრიუსელში იცავდით, კაცის მკვლელი იყო და ახლა ცოლის დაპატიმრებას ითხოვს", - თქვა წულუკიანმა.

საქართველოს მესამე პრეზიდენტმა მიხეილ სააკაშვილმა სასამართლო პროცესზე განაცხადა, რომ ხარჯების დიდი ნაწილი სანდრა რულოვსს ეკუთვნოდა. "ხარჯების დიდი ნაწილი სანდრასია, მას რატომ არ ასამართლებენ? ოღონდ, სანამ სანდრას ედავებით, გაიხსენეთ, რომ სანდრამ ამ ქვეყანაში შემოიტანა 100 მილიონი ევროს გრანტები სამედიცინო სფეროში", - თქვა ექს-პრეზიდენტმა.