გორში დაკარგული 12 წლის გოგო ბათუმში იპოვეს
გორში დაკარგული 12 წლის გოგო იპოვეს. შსს-ს ინფორმაციით, პოლიციამ არასრულწლოვნის ადგილსამყოფელს ბათუმში მიაგნო. მოზარდი თავს კარგად გრძნობს.
არასრულწლოვანის გაუჩინარების ფაქტზე გამოძიება სისხლის სამართლის კოდექსის 143-ე მუხლით გრძელდება, რაც თავისუფლების უკანონო აღკვეთას გულისხმობს.
გავრცელებული ინფორმაციით, გოგონას ძებნა ოჯახის წევრებმა მას შემდეგ დაიწყეს, რაც ის გაკვეთილების დასრულების შემდეგ, სახლში არ დაბრუნდა.
