ივანიშვილმა ტიკარაძეს, ჩემ საკითხზე ობიექტური სპეციალისტებით დაკომპლექტებული სახელმწიფო კომისიის შექმნა არ აპატია, - წერს საქართველოს მესამე პრეზიდენტი მიხეილ სააკაშვილი წერილში, რომელიც მისმა პირადმა ექიმმა ნიკოლოზ ყიფშიძემ წაიკითხა.

"კოვიდის მართვის სრული ჩავარდნა აპატია ჯანდაცვის მინისტრ ტიკარაძეს ივანიშვილმა, მაგრამ არ აპატია ობიექტური სპეციალისტების მიერ დაკომპლექტებული სახელმწიფო კომისიის შექმნა ჩემს საკითხზე, ის, რომ მან უარი თქვა, რატის როლი მოერგო და ჩემს ჯანმრთელობის მდგომარეობაზე ყოველგვარი ტყუილები ელაპარაკა, რასაც მას მთავრობა სთხოვდა და ბოლოს მან, ტიკარაძემ, შეუერთა თავისი ხმა ჩემს კლინიკაში გადაყვანის მსურველებს.  

კოვიდ-პასპორტები იყო ბოლო წვეთი, ახლაც კარგად აჩვენებს ეს ყველაფერს, თუ როგორ არ ადარდებს მთავრობას ადამიანების სიცოცხლე. მიუხედავად ყველაფრისა, მინდა ჩემგან გადავუხადო ქალბატონ ტიკარაძეს დიდი მადლობა, რომ მან ასეთ რთულ მდგომარეობასა და სიტუაციაში შეინარჩუნა ადამიანობა," - წერს სააკაშვილი.

შეგახსენებთ, დღეს, ჯანდაცვის მინისტრი ეკატერინე ტიკარაძე თანამდებობიდან გადადგა. ამის შესახებ მან "ქართული ოცნების" ოფისში გამართულ საგენგებო ბრიფინგზე ისაუბრა.