რუსეთი უფლებას იტოვებს უპასუხოს ვეროკავშირის არამეგობრულ ქმედებებს, - განაცხადა რუსეთის საგარეო საქმეთა სამინისტროს ოფიციალურმა წარმომადგენელმა მარია ზახაროვამ რუსეთის მოქალაქეებისა და რუსული კომპანიების მიმართ ევროკავშირის მიერ მორიგი სანქციების დაწესების კომენტირებისას.

როგორც ზახაროვამ აღნიშნა, ევროკავშირი განაგრძობს საერთაშორისო სამართლის თვალსაზრისით ცალმხრივი შეზღუდვების არალეგიტიმურ პრაქტიკას. მისი თქმით, რუსეთის რვა მოქალაქისა და რუსეთის ოთხი კომპანიის  დადანაშაულება კერძო სამხედრო კომპანიასთან კავშირში, უსაფუძვლოა.

 „რუსეთი უფლებას იტოვებს უპასუხოს ევროკავშირის არამეგობრულ ქმედებებს“, - განაცხადა ზახაროვამ.

შეგახსენებთ, ევროკავშირმა სანქციები დაუწესა  რუსულ კერძო სამხედრო კომპანია „ვაგნერს“. ის "კრებდა, წვრთნიდა და აგზავნიდა კერძო სამხედრო თანამშრომლებს კონფლიქტის ზონებში მთელი მსოფლიოს მასშტაბით, რათა დაეთესა ძალადობა, გაეძარცვა ბუნებრივი რესურსები და დაეშინებინა სამოქალაქო პირები“, - აღნიშნულია ევროკავშირის ინფორმაციაში. იმ ქვეყნებს შორის, სადაც რუსული სამხედრო კომპანია დესტაბილიზაციას ეწეოდა, დასახელებულია უკრაინა (დონბასი). ლიბია, სირია და ცენტრალური აფრიკის რესპუბლიკა. ახალი შეზღუდვები დაწესდა სხვადასხვა სანქციათა რეჟიმების ფარგლებში, რომლებიც ეხება უკრიანის ტერიტორიული მთლიანობისა და სუვერენიტეტისთვის ძირის გამოთხრას, სიტუაციას ლიბიაში, სირიაში, ასევე ადამიანის უფლებების უხეშ დარღვევებს.