გუდაურში მომხდარ მკვლელობის საქმეზე გამართლებულმა მერაბ კობიაშვილმა სასამართლო სხდომის დასრულების შემდეგ ჟურნალისტებს უთხრა, რომ მას განზრახ მკვლელობა არ ჩაუდენია და ეს არის ტრაგედია, რომელიც მთელი ცხოვრება მხრებით უნდა ატაროს.

"ამ გადაწყვეტილებას აუცილებლად ველოდებოდი, იქედან გამომდინარე, რომ მე არ ჩამიდენია განზრახ მკვლელობა. ესაა ძალიან დიდი ტრაგედია, რომელიც მე მხრებით უნდა ვატარო მაინც მთელი ცხოვრება. მინდა დიდი მადლობა გადავუხადო ნაფიც მსაჯულებს სწორი გადაწყვეტილებისთვის, სიმართლისთვის. მეტს ვერაფერს გეტყვით". – თქვა კობიაშვილმა სასამართლო პროცესის დატოვების შემდეგ.

2020 წლის 16 თებერვალში გუდაურში მომხდარი მკვლელობის საქმეზე დაკავებული მერაბ კობიაშვილი გორის რაიონულ სასამართლოში ნაფიცმა მსაჯულებმა ერთხმად უდანაშაულოდ ცნეს. მსაჯულთა გადაწყვეტილებით, კობიაშვილი აუცილებელი მოგერიებისა და თავდაცვის მოტივით მოქმედებთა.

მერაბ კობიაშვილი განზრახ მკვლელობისა (108-ე მუხლი) და დამამძიმებელ გარემოებაში განზრახ მკვლელობის მცდელობის ბრალდებით  (19-109 მუხლი) დააკავეს.

პროკურატურამ მერაბ კობიაშვილის ჯგუფური ცემისთვის 6 პირს ბრალი წარუდგინა. ჯგუფური ძალადობის საქმე ცალკე წარმოებად გამოიყო, სადაც კობიაშვილი დაზარალებულად ცნეს.