აშშ-ის პენიტენციური სამსახურის ფედერალური ბიუროს გადაწყვეტილებით,  მსჯავრდებულები, რომლებიც COVID-19-ის პანდემიის გამო სახლებში გაგზავნეს, ციხეებში აღარ დაბრუნდებიან. ამის შესახებ ამერიკის იუსტიციის დეპარტამენტმა განაცხადა.

 „ათასობით ადამიანი, რომლებიც იმყოფებოდა შინა პატიმრობის პირობებში, შეუერთდა თავის ოჯახებს, იპოვა ანაზღაურებადი სამასახური და იცავდა წესებს... {ციხეში აღარ დაბრუნდება}. ვიყენებთ ჩვენს უფლებამოსილებას იმისათვის, რომ ისინი, ვინც მიაღწიეს რეაბილიტაციის პროგრესს და იცავდნენ შინა პატიმრობის პირობებს, არ არიან ვალდებულნი ციხეში დაბრუნდნენ“, - ნათქვამია დეპარტამენტის განცხადებაში.

ამგვარად, უქმდება ექს-პრეზიდენტ დონალდ ტრამპის დადგენილება, რომლის თანახამდ, შინა პატიმრობის პირობებში გადაყვანილი პატიმრები, COVID-19-ის პანდემიის გამო საგანგებო სიტუაციის დასრულების შემდეგ ციხეებში უნდა დაბრუნებულიყვნენ.

2020 წლის მარტში მიღებული კანონის შედეგად იუსტიციის დეპარტამენტმა ათასობით მსჯავრდებული შინა პატიმრობის რეჟიმში გადაიყვანა და პენიტენციურ სისტემაში კორონავირუსით გამოწვეული მძიმე მდგომარეობა შეამსუბუქა.