ბულგარეთის თავდაცვის მინისტრმა სტეფან იანევმა განაცხადა, რომ მიზანშეუწონლად მიაჩნია ბულგარეთის ტერიტორიაზე ნატო-ს დამატებითი ძალების განლაგება, რადგან მისი თქმით, ამან შესაძლოა, რეგიონში დაძაბულობა გააღრმავოს.  

მინისტრის თქმით, რუსეთის სამხედრო პოტენციალის გაზრდა და მისი აქტიურობა ნატო-ს აღმოსავლეთ ფლანგზე საყურადღებოა და მასზე რეაგირება ერთიანი მიდგომით უნდა მოხდეს და არა დაძაბულობის ზედმეტი ესკალაციით.

 „დღეს ნატო-ში განიხილება რეაგირების სხვადასხვა ვარიანტი, მათ შორის დამატებითი ჯარების განლაგება ბულგარეთსა და რუმინეთში... ჩემი აზრით, ამგვარმა დისკუსიამ და მიდგომამ, შესაძლოა, გაზარდოს დაძაბულობა რეგიონში. ამ ეტაპზე არ განვიხილავთ პროცესებს, როგორც პირდაპირ საფრთხეს ალიანსისა და უსაფრთხოების ზონისთვის. ამიტომ არ მიმაჩნია, რომ არსებობს გარდაუვალი გარემოებები, იმისათვის, რომ მხარი დავუჭიროთ ჩვენ ტერიტორიაზე დამატებითი ძალების განლაგებას. ეს არ იქნება არც მოკავშირეებისა და არც ბულგარეთის ეროვნულ ინტერესებში“, - განაცხადა იანევმა.

ამასთან, იანევმა აღნიშნა, რომ ბულგარეთი მზად არს გაზარდოს თავის ტერიტორიაზე ეროვნული ძალების პოტენციალი, ალიანსის დაცვისა და ნებისმიერი ტიპის საფრთხზე რეგირებისთვის.