ნაჯა ორაშვილის ინფორმაციით, კლუბ BASSIANI-ს ლუქავენ
კლუბ "ბასიანის" ერთ-ერთი დამფუძნებელი ნაჯა ორაშვილი აცხადებს, ამ წუთებში ბასიანს ლუქავენ.
"ამ წუთებში ლუქავენ BASSIANI-ს და თუ არ ვცდები თბილისში არსებულ თითქმის ყველა საკლუბო სივრცეს", - წერს ორაშვილი facebook-ზე.
იგივე შინაარსის ინფორმაციას ავრცელებს, კლუბ "ხიდის" მენეჯერი. მისი თქმით, დაიწყეს კლუბის დალუქვა.
თბილისის საკლუბო ინდუსტრია კლუბების გახსნას რამდენიმე კვირაა ითხოვს, მაგრამ საკოორდინაო საბჭო, კორონავირუსის გავრცელების საფრთხის გამო, გადაწყვეტილების მიღებას არ ჩქარობს.
რამდენიმე დღის წინ, შრომის ინსპექცია აცხადებდა, რომ კლუბების გახსნასთან დაკავშირებით საბოლოო გადაწყვეტილება ყველა შესაძლო რისკის განსაზღვრის შედეგად იქნებოდა მიღებული.
