ფრაქცია „ქართული ოცნების“ თავმჯდომარის მამუკა მდინარაძის განცხადებით, გიორგი მარგველაშვილი  „ნაციონალური მოძრაობის“ მესიჯბოქსში ჯდება, როდესაც ამბობს, რომ მიხეილ სააკაშვილი პუტინის პატიმარია.

მდინარაძის განცხადებით, გიორგი მარგველაშვილი თავისი თავის აქტუალიზაციას ცდილობს.

„გიორგი მარგველაშვილი თავისი თავის აქტუალიზაციას ცდილობს. ისიც თქვა, პუტინის პატიმარია სააკაშვილიო. როცა ცოტა ფაქტებზე ვილაპარაკებთ, რეალურად პუტინის მოკავშირის როლში წარმოვიდგენთ სააკაშვილს. ამ ფონზე ადამიანი როცა იძახის, რომ ის არის პუტინის პატიმარი, ის ჯდება „ნაციონალური მოძრაობის“ მესიჯბოქსში, რაც ძალიან სამწუხაროა იმ ადამიანისგან, რომელიც იყო ამ ქვეყნის პრეზიდენტი მიხეილ სააკაშვილის შემდეგ და „ქართული ოცნების“ მმართველობის დროს“, – აღნიშნა მამუკა მდინარაძემ.

საქართველოს ყოფილმა პრეზიდენტმა გიორგი მარგველაშვილმა მიხეილ სააკაშვილთან შეხვედრის შემდეგ განაცხადა, რომ „მიხეილ სააკაშვილი არის პუტინის პატიმარი და საქმეებზე, რომლებიც პოლიტიკურად მოტივირებულად ფასდება, სასამართლოში მორატორიუმი უნდა გამოცხადდეს“.