თალიბებმა ქაბულში ქალთა საპროტესტო აქციას ცეცხლი გაუხსნეს. ქალები ყოფილ ქალთა საკითხთა სამინისტროსთან იყვნენ შეკრებილნი და სამუშაოს,  საკვებ პროდუქტებსა და თავისუფლებას ითხოვდნენ.

თვითმხილელთა თქმით, თალიბებმა მათ დასაშლელად ცეცხლსასროლი იარაღი გამოიყენეს. მათივე თქმით, აქციებზე ნებისმიეირი ფოტო ან ვიდეოგადაღება აკრძალულია. დაშავებულებელის შესახებ ინფორმაცია არ ვრცელდება.

თალიბებმა ავღანეთში ძალაუფლება ხელში აგვისტოში ჩაიგდეს. მას შემდეგ ქვეყანაში ქალთა უფლებები უფრო და უფრო იზღუდება, მათ უფრო მეტად უკრძალავენ სწავლასა და მუშაობას. უმეტეს სკოლებში მასწავლებლებად მუშაობის უფლება მხოლოდ კაცებს აქვთ, სწავლის კი - მხოლოდ ბიჭებს. ნოემბერში ქალებს აეკრძალათ ტელეფილმებში გადაღება. ქალ ჟურნალისტებსა და ტელეწამყვანებს მუშაობის უფლება ჯერჯერობით ისევ აქვთ, თუმცა ვალდებული არიან თავსაბურავები ატარონ.

ახალი მთავრობა ამ აკრძალვებს დროებით უწოდებს და ამას იმით ხსნის, რომ ეს აუცილებელია გოგონებისა და ქალების უსაფრთხობისათვის მუშაობისა და სწავლის დროს. დეკემბერში თალიბებმა გამოსცეს ბრძანებულება ქალების უფლებების შესახებ და სასამართლოები დაავალდებულეს განიხილონ  ქალების პეტიციები, აგრეთვე აიკრძალა ქალების გათხოვება მათი ნების წინააღმდეგ და მათ მიენიჭათ უფლება მიიღონ გარდაცვლილი ნათესავების ქონების საწილი.