გერმანიის ქალაქ შემნიცის წმინდა პეტრეს ტაძარში ადგილობრივმა პასტორმა იმუნიზაციის ცენტრი განათავსა მას შემდეგ, რაც ქალაქში მდებარე ვაქცინაციის ცენტრებთან მოქალაქეებს რიგში დგომა ყინვასა და სიცივეში უწევდათ.

აღნიშნული გადაწყვეტილება, პასტორმა, ქვეყანაში არსებული ანტივაქსერული განწყობების მიუხედავად, მაინც მიიღო, რამაც გაამართლა. „დარწმუნებული არ ვიყავი, როგორი რეაქცია ექნებოდათ ადამიანებს ჩემს გადაწყვეტილებაზე. ჩვენს რეგიონში ძალიან პოლარიზებული მოსაზრებები არსებობს ვაქცინაციასთან და პანდემიასთან გამკლავების გზებთან დაკავშირებით“,- აღნიშნა პასტორმა.

შეგახსენებთ, რომ საქსონიის მხარეში გერმანიის მასშტაბით იმუნიზაციის ყველაზე დაბალი მაჩვენებელი ფიქსირდება. მხარეში მოსახლეობის მხოლოდ 60 პროცენტია ვაქცინირებული, მაშინ, როდესაც გერმანიის სხვა პროვინციებში ვაქცინაციის მაჩვენებელი 70 პროცენტზე მაღალია.