„პატიმარი რომ ციხეში გადაიყვანეს, ამაში რა არის განსაკუთრებული და უცნაური?", აცხადებს "მოქალაქეების" ლიდერი ალეკო ალისაშვილი. მისი განმარტებით, პატიმარი გადაიყვანეს ციხეში, რომელმაც იმკურნალა და არ არის მძიმე მდგომარეობაში.

"აღშფოთებული ვიყავი, როცა მიხეილ სააკაშვილი შიმშილობდა და იქ არ გადაყავდათ, სადაც უნდა გადაეყვანათ, მაგრამ ახლა პატიმარს რომ ციხეში აბრუნებენ, ამაში განსაკუთრებული რა არის, არ ვიცი, ჩვეულებრივი ამბავია. ამაში განადგურების მცდელობას ვერ ვხედავ, პატიმარი გადაიყვანეს ციხეში, რომელმაც იმკურნალა და არ არის მძიმე მდგომარეობაში, თუმცა ესეც ვერ გავიგე, ზოგი ექიმი ამბობდა ამას, ზოგი – არა. სასამართლო პროცესზე რაც ვნახეთ, განადგურების არაფერი ეტყობოდა, ჯანმრთელად იყო. წავიდეს სტრასბურგში, გაიმართლოს თავი, გამოვიდეს ციხიდან. ახლა სააკაშვილმა შიმშილობა რომ დაიწყოს, რასთან დაკავშირებით იწყებს – ციხიდან გამომიშვითო? ეს გაუგებარია. ისევ თუ შიმშილობას დაიწყებს, ძალიან უხერხული იქნება. რატომ უნდა იშიმშილოს? მაშინ, ყველა პატიმარი იშიმშილებს ციხიდან გამომიშვითო“, – განაცხადა ელისაშვილმა.