უკრაინის უსაფრთხოების სამსახური აცხადებს, რომ დააკავეს რუსეთის სამხედრო დაზვერვის აგენტი, რომელიც ოდესაში ტერაქტების დაგეგმვით იყო დაკავებული.

როგორც უკრაინის უსაფრთხოების სამსახურში განაცხადეს, დაკავებულის მთავარ ამოცანას წარმოადგენდა ოდესის ოლქში დივერსიებისა და ტერაქტების გზით პოლიტიკური ვითარებისთვის ძირის გამოთხრა. სამსახურის ინფორმაციით, ჯაშუში ტერაქტების მოსაწყობად თანამონაწილის გადაბირების დროს დააკავეს. უწყება სხვა დამატებით ცნობებზე არ საუბრობს.

რუსეთს უკრაინის უსაფრთხოების სამსახურის განცხადებაზე კომენტარი ჯერ არ გაუკეთებია.

შეგახსენებთ, 2021 წლის გაზაფხულზე რუსეთმა ანექსირებულ ყირიმსა და უკრაინის საზღვართან 100 ათასზე მეტი სამხედრო გადაისროლა. დასავლეთი შიშობს, რომ მოსკოვი უკრაინაზე თადასხმას გეგმავს.