თელავის მუნიციპალიტეტში ავტოსაგზაო შემთხვევას ახალგაზრდა კაცი ემსხვერპლა
თელავის მუნიციპალიტეტში ავტოსაგზაო შემთხვევას 35 წლამდე კაცი ემსხვერპლა.
შემთხვევა თელავი- გურჯაანის დამაკავშირებელ გზაზე, სოფელ წინანდალთან, გუშინ მოხდა. ახალგაზრდა კაცი ავტომობილით გადაადგილდებოდა, სავარაუდოდ, მან საჭე ვერ დაიმორჩილა და გზიდან გადავარდა. კაცი ადგილზე გარდაიცვალა, ის სოფელ კისისხევსის მკვიდრი იყო.
გამოძიება სისხლის სამართლის კოდექსის 276- ე მუხლის მეექვსე ნაწილით დაიწყო, რაც ტრანსპორტის უსაფრთხოებისა და ექსპლუატაციის წესების დარღვევას გულისხმობს.
