ევროპარლამენტის ახალ პრეზიდენტად რობერტა მეცოლა აირჩიეს
ევროპარლამენტის ახალ პრეზიდენტად მალტელი პოლიტიკოსი, ევროპის სახალხო პარტიის კანდიდატი, რობერტა მეცოლა აირჩიეს.
პარლამენტის პლენარულ სხდომაზე მეცოლას კანდიდატურამ 458 ხმა მოიპოვა.
რობერტა მეცოლასთან ერთად, ევროპის პარლამენტის პრეზიდენტობისთვის იბრძოდნენ - ესპანელი სირა რეგო (მემარცხენე), პოლონელი კოსმა ზლოტოვსკი (კონსერვატორები), შვედი ალისა ბახ კუჰნკე (მწვანეები).
რობერტა მეცოლა 2013 წლიდან არის ევროპარლამენტარი და 2020 წლიდან პარლამენტის ვიცე-პრეზიდენტი.
ევროკავშირის საკანონმდებლო ინსტიტუტის პრეზიდენტის თანამდებობა მას შემდეგ გახდა ვაკანტური, რაც დევიდ სასოლი გარდაიცვალა.
