რუსეთის საგარეო საქმეთა მინისტრის მოადგილემ სერგეი რიაბკოვმა განაცხადა, რომ ევროპის უსაფრთხოებასთან დაკავშირებული ვითარება კრიტიკულია.

 „ევროპის უსაფრთხოების სფეროში სიტუაცია კრიტიკულია. ის ასეთი გახდა ვაშინგტონისა და ნატო-ს გამო, რომლებიც სხვა საკითხებთან ერთად უკრაინას იყენებენ რუსეთზე ზეწოლის ბერკეტად“, - განაცხადა რიაბკოვმა.

მან აღნიშნა, რომ რუსეთმა დასავლეთს შესთავაზა შექმნილი სიტუაციიდან გამოსვლის რეალისტური ვარიანტი, საჯაროდ გააჟღერა შესაბამისი წინადადებები {უსაფრთხოების გარანტიებთან დაკავშირებით}.

 „არ დავმალავ, რომ ჩვენთვის უკეთესი იქნებოდა, რომ შევთანხმებულიყავით  უპირველესად ამერიკელებთან. ამ პროცესში ქვეყნების გაცილებით ფართო წრის ჩართვა ჩვენთვის კონტრპროდუქტიულია“, - განაცხადა რიაბკოვმა.

მისი თქმით, დისკუსიის საგანს წარმოადგენს რუსეთის უსაფრთხოების გარანტიები. მისივე თქმით, ვაშინგტონში, ბრიუსელსა და ნატო-ს სხა ქვეყნებში აყენებენ უსაფუძვლო პრეტენზიებს, განსაკუთრებით უკრაინასა და მის ირგვლივ მიმდინარე პროცესებთან დაკავშირებით. „ცდილობენ ჩვენი დოკუმენტებიდან გამოყონ მათთვის სასარგებლო ასპექტები და სათავისოდ გადაამუშაონ ჩვენი წინადადებების შინაარსი და მათთვის ხელსაყრელ ფორმატებში მოაქციონ,“- თქვა რიაბკოვმა. მისი თქმით, ამის დასტურია, ის,რომ აშშ-მა და ნატო-მ ერთმნიშვნელოვნად განაცხადეს, რომ ისინი არ იტყვიან უარს ნატო-ს გაფართოებაზე და ასევე ნეგატიურად მიიღეს ალიანსის 1997 წლის მდგომარეობასთან დაბრუნების შესახებ რუსეთის მოთხოვნა.