ორხევის დასახლებაში მერიამ 7 საცხოვრებელი დაანგრია. მუნიციპალური ინსპექცია ადგილზე დილით გამოჩნდა. მოსახლეობა ამბობს, რომ გაფრთხილებულები იყვნენ, მაგრამ მათ მეტი საცხოვრებელი არ აქვთ, ამიტომ არ იციან სად უნდა წავიდნენ.

ადგილზე მცხოვრებლები მერიისგან და გამგეობისგან პასუხს ელოდებიან.

სახლების დანგრევა იგეგმება აფრიკის დასახლებაშიც.

16 დეკემბერს კახა კალაძემ თქვა, რომ მერია "მიწების მიტაცებას", უკანონო მშენებლობებს არ შეეგუებოდა და დემონტაჟი მოხდებოდა. მუნიციპალურმა ინსპექციამ კალაძის დავალებით 2020 წლის დეკემბერში აფრიკის დასახლებაში რამდენიმე უნებართვოდ აშენებული შენობა დაანგრია, მათ შორის იმ ოჯახების, რომელთა წევრებიც ამბობდნენ, რომ ეს მათი ერთადერთი საცხოვრებელი იყო. თუმცა, კალაძე ამტკიცებდა, რომ მათ, ვინც სახლები ააშენეს, სახლები და მიწები ჰქონდათ.