სირიის ჩრდილო-დასავლეთით რუსეთის სამხედრო ავიაციის მიერ განხორციელებული ავიადარტყმების შედეგად ორგანიზაციის ”ექიმები საზღვრებს გარეშე” საავადმყოფო მთლიანად განადგურდა. დაიღუპა 14 ადამიანი. ამის შესახებ ინფორმაციას Reuters-ი ავრცელებს.

საქველმოქმედო ორგანიზაციის წევრების განცხადებით, რამდენიმე წუთის განმავლობაში კლინიკას, რომელიც ქალაქ იდლიბიდან 30 კმ-ის დაშორებით მდებარეობს, ოთხი რაკეტა მოხვდა. სირიელი უფლებადამცველების თქმით, დაიღუპა 14 ადამიანი. მათ შორის ერთი მცირეწლოვანი, ათობით ადამიანი დაიჭრა. ორგანიზაციის განცხადებიტ კლინიკის რვა თანამშრომელი უგზოუკვლოდ დაიკარგა.

საავადმყოფოს დანგრევის შედეგად სამედიცინო დახმარების გარეშე 40 ათასი ადგილობრივი მცხოვრები დარჩა. ორგანიზაცია ”ექიმები საზღვრებს გარეშე” საავდმყოფოს 2015 წლის სექტემებრიდან ეხმარებოდა.