რუსეთ-ბელარუსის სამხედრო წვრთნების "საკავშირო სიმტკიცე - 2022“-ის პასუხად, უკრაინა თავის მანევრებს იწყებს. სამხედრო სწვალების დაწყების შესახებ, უკრაინის თავდაცვის მინისტრმა ოლექსი რეზნიკოვმა 8 თებერვალს უკრაინულ მედიასთან განაცახდა.

მისი თქმით, 20 თებერვლამდე წვრთნები კოველის, ოვრუჩის, ალიოშკოვის ქვიშების, ჩუგუევის, ჩერნიგოვის, სუმახისა და ოდესის პოლიგონებზე ჩატარდება.

„და ეს მხოლოდ პოლიგონებია. არის კიდევ მოედნები, ადგილები, სადაც ჩატარდება უკრაინის შეიარაღებული ძალების სწავლება“, - განაცხადა რეზნიკოვმა. მისივე თქმით, მანევრების დროს გამოყენებული იქნება Bayraktar-ის ტიპის სადაზვერვო-დამრტყმელი უპილოტო კომპლექსები და ანტისატანკო სარაკეტო კომპლექსები  Javelin, რომლებიც კიევმა უცხოელი პარტნიორებისაგან მიიღო.

შეგახსენებთ, 10 თებერვალს, რუსეთმა ბელარუსში მასშტაბური სამხედრო სწავლების "საკავშირო სიმტკიცე 2022"-ის მეორე ეტაპი დაიწყო.

ერთობლივი სამხედრო მანევრები 10 დღის განმავლობაში გაგრძელდება.