პარტია "საქართველოსთვის" ხაშურის ორგანიზაციის სამმა დამფუძნებელმა და ექვსმა წევრმა დატოვა.

მათი განცხადებით, პარტიიდან წასვლის მიზეზი, გიორგი გახარიას პარტიის "ნაციონალურ მოძრაობასთან" დაწყებული პოლიტიკური ალიანსია.

"პარტია "საქართველოსთვის" სამი დამფუძნებელი და ექვსი წევრი ვტოვებთ, რისი მიზეზიც ბოლო პერიოდში განვითარებული მოვლენებია. გუშინ სენაკში "ნაციონალური მოძრაობისა" და პარტია "საქართველოსთვის" წევრებმა, სრულიად აბსურდული გადაწყვეტილება მიიღეს, არარსებული სხდომა ქვორუმის გარეშე ჩაატარეს და სამანდატო კომისიის თავმჯდომარედ "ნაციონალური მოძრაობის" წევრი დანიშნეს. სამწუხაროა, რომ გახარიას მიერ დაფუძნებული პარტია, "ნაციონალური მოძრაობის" მაშველი რგოლის ფუნქციას ასრულებს", - განაცხადეს პარტიის ყოფილმა წევრებმა.