თეთრი სახლის მრჩეველმა ეროვნული უსაფრთხოების საკითხებში ჯეიკ სალივანმა განაცხადა, რომ რუსეთი გეგმავს უკიდურესად სასტიკ შეჭრას უკრაინაში.

მისი თქმით, მოსკოვი ეცდება გატეხოს უკრაინელი ხალხი.

 „მიგვაჩნია, რომ ისეთი მასშტაბის სამხედრო ოპერაცია, როგორსაც გეგმავენ რუსები, იქნება უკიდურესად სასტიკი. ის სოცოცხლის ფასად დაუჯდებათ უკრაინელებსაც და რუსებსაც, სამოქალაქო პირებსაც და სამხედროებსაც“, - განაცხადა სალივანმა ტელეარხ NBC-ის ეთერში.

 „თუმცა ჩვენ გვაქვს დაზვერვის მონაცემები, რომლებიც გვაძლევს ვარაუდის შესაძლებლობას, რომ იქნება უფრო მეტად სასტიკი, რამდენადაც ეს არ იქნება უბრალოდ ჩვეულებრივი ომი ორ არმიას შორის. ეს იქნება რუსეთის ომი უკრაინელი ხალხის წინააღმდეგ, რათა დააშინოს, გატეხოს და ზიანი მიაყენოს მას“, - აღნიშნა სალივანმა.