სალომე ზურაბიშვილი უკრაინის საკითხზე პარლამენტის რიგგარეშე სხდომას დანიშნავს
საქართველოს პრეზიდენტი სალომე ზურაბიშვილი უკრაინის საკითხზე პარლამენტის რიგგარეშე სხდომის გამართვის მოთხოვნას ხელს მოაწერს. ამის შესახებ სალომე ზურაბიშვილმა ბრიფინგზე განაცხადა.
„ახლა მაცნობეს, რომ შემოვიდა რიგგარეშე სხდომის თხოვნა ჩემთან და ვაპირებ რომ ხელი მოვაწერო“, – განაცხადა სალომე ზურაბიშვილმა.
უკრაინაში განვითარებული მოვლენების გარშემო საქართველოს პარლამენტის რიგგარეშე სხდომის მოწვევის მოთხოვნით პრეზიდენტს პოლიტიკური პარტიების წარმომადგენლებმა მიმართეს.
