შეერთებულ შტატებში ფიქრობენ, რომ უკრაინაში რუსეთის შეჭრა მიმართულია უკრაინის ხელისუფლების დამხობისა და რუსული მმართველობის დამყარებისკენ. ამის შესახებ აშშ-ის თავდაცვის დეპარტამენტის მაღალჩინოსანმა განაცხადა. იუწყება სააგენტო Reuters.

მისი თქმით, სწორედ ამიტომ რუსეთის შეტევის სამი ძირითადი მიმართულებიდან ერთ-ერთი მიმართულია კიევის წინააღმდეგ. „ჩვენი შეფასებით, მათ აქვთ განზრახული ფაქტობრივად დაამხონ ხელისუფლება და თავისი მმართველობა დაამყარონ“, - განაცხადა მაღალჩინოსანმა, რომლის ვინაობაც არ სახელდება.

როგორც ცნობილია, აშშ-ის პრეზიდენტი ჯო ბაიდენი დღეს გააკეთებს განცხადებას და რუსეთის წინააღმდეგ ახალ სანქციებს გამოაცხადებს. ბაიდენი ასევე აპირებს უკრაინას თავდაცვის გაძლიერებისთვის დამატებითი იარაღის გადასცეს.