ზმეინის კუნძულზე 13 უკრაინელი მესაზღვრე დაიღუპა - ამის შესახებ უკრაინის შინაგან საქმეთა მინისტრის მრჩეველი, ანტონ გერაშჩენკო Facebook-ზე წერს.

"რუსული გემი ზმეინის კუნძულის გარნიზონს ჩაბარებას სთავაზობდა. გავუშვით ნა ხუ...-ზე. შემდეგ დაიწყო სარაკეტო და საარტილერიო დარტყმა. დაიღუპა 13 უკრაინელი მესაზღვრე, შესაძლოა, ის მამაცი გმირიც, რომელმაც მტერი გაუშვა ნა ხუ...-ზე, როგორც ზაპოროჟიეს კაზაკებმა. დიდება გმირებს! სიკვდილი რუს ოკუპანტებს, - წერს გერაშჩენკო.

გერაშჩნეკომ ასევე გამოაქვეყნა აუდიოჩანაწერი, სადაც რუსეთის ხომალდის ეკიპაჟისა და უკრაინელი მესაზღვრის საუბარი ისმის. აუდიოჩანაწერში ოკუპანტი უკრაინელებს დანებებას სთხოვს, რაზედაც უკრაინელმა მესაზღვრემ უპასუხა: "რუსულო გემო, იდი ნა ხუ..."

უკრაინის სასაზღვრო სამსახურის ინფორმაციით, რუსმა ოკუპანტებმა ოდესის ოლქის კუნძული ზმეინი აიღეს. 

უწყების ცნობით, კუნძულზე ინფრასტრუქტურა განადგურებულია.

პრეზიდენტ ზელენსკის გადაწყვეტილებით დაღუპულ მესაზღვრეებს უკრაინის გმირის წოდება მიენიჭებათ.