ილონ მასკმა უკრაინას Starlink-ის ინტერნეტით სარგებლობის საშუალება მისცა
ილონ მასკმა უკრაინას Starlink-ის ტერმინალებით სარგებლობის საშუალება მისცა. ამის შესახებ ინფორმაცია მსოფლიოს უმდიდრესმა ადამიანმა „ტვიტერით“ გაავრცელა.
„Starlink-ის სერვისი უკვე ხელმისაწვდომია უკრაინაში. მეტი ტერმინალი გზაშია“, – ნათქვამია ილონ მასკის განცხადებაში.
Starlink არის გლობალური სატელიტური სისტემა, რომელიც უზრუნველყოფს ადამიანებს მაღალსიჩქარიანი ინტერნეტით. „სტარლინკის“ ტერმინალების გამოყენების უფლების თხოვნით ამერიკელ მილიარდერს უკრაინის ციფრული ტრანსფორმაციის მინისტრმა, მიხაილ ფედოროვმა მიმართა.
