კიევში რუსულმა დივერსიულმა ჯგუფმა ერთი ოჯახის სამი წევრი მოკლა. მათ შორის ერთი ბავშვია
კიევში რუსულმა დივერსიულ-სადაზვრევო ჯგუფმა ერთი ოჯახის სამი წევრი მოკლა. მათ შორის ერთი ბავშვია. ინფორმაციას უკრაინული მედია კიევის საკრებულოს წარმომადგენელზე ვოლოდიმირ ბონდარენკოზე დაყრდნობით ავრცელებს.
„მას ერქვა პოლინა. ის კიევის 24-ე სკოლის მეოთხე კლასში სწავლობდა“, - წერს ბონდარენკო.
დაჭრილია კიდევ ორი ბავშვი. ისინი საავადმყოფოში არიან გადაყვანილი.
