მეტროპოლიტენ ოპერა არ ითანამშრომლებს არტისტებთან, რომლებიც პუტინის რეჟიმს უჭერენ მხარს
ნიუ იორკის მეტროპოლიტენ ოპერა არ ითანამშრომლებს არტისტებთან, რომლებიც პუტინის რეჟიმს უჭერენ მხარს, - ამის შესახებ მეტროპოლიტენ ოპერის გენერალურმა დირექტორმა, პიტერ გელბმა განაცხადა.
გელბის განცხადებით, რუს და ამერიკელ არტისტებს მეგობრული ურთიერთობები აქვთ, თუმცა უკრაინაში რუსეთის შეჭრის ფონზე, შეუძლებელია თანამშრომლობა იმ არტისტებსა და ორგანიზაციებთან, რომლებიც პუტინის რეჟიმს უჭერენ მხარს, ან თავად სარგებლობენ პუტინის მხარდაჭერით.
შეგახსენებთ, მანამდე, ლონდონის სამეფო ოპერის თეატრმა Covent Garden, უკრაინაში ომის გამო, მოსკოვის დიდი თეატრის გასტროლები გააუქმა.
