საფრანგეთის ეკონომიკის მინისტრმა ბრუნო ლე მერმა განაცხადა, რომ საფრანგეთი რუსეთს ტოტალურ ეკონომიკურ და ფინანასურ ომს უმზადებს, თუ კი პუტინი უკრაინაში აგრესიას არ შეწყვეტს. ამის შეასხებ მინისტრმა France Info-ს ეთერში განაცხადა.

„ეს სანქციები ძალიან ეფექტურია, ჩვენ გვექნება ტოტალური ეკონომიკური და ფინანსური ომი რუსეთის წინააღმდეგ და ჩამოვანგრევთ მის ეკონომიკას. ჩვენ ვუმიზნებთ ვლადიმირ პუტინის, ოლიგარქების სისტემის გულს და მთელი რუსეთის ეკონომიკას. ამის შედეგებს იგრძნობენ რუსეთის რიგითი მოქალაქეებიც“, - განაცხადა მან.

მისი თქმით, სანქციები უნდა ყოს სწრაფი და საგრძნობი, რომლის პირველივე შედეგებიც უკვე უნდა ჩანდეს. მან დასძინა, რომ ევროკაშირს არ სურს ორაზროვნების დატოვება იმასთან დაკავშირებით, რამდენად მტკიცენი არიან სანქციების საკითხში. მისივე თქმით, რუსეთის ხელისუფლებასთან დაახლოებული ვერც ერთი ოლიგაქრი სანქციებს ვერსად გაექცევა.

„ეს არის ჩვენი გზავნილი ყველა ავტორიტარული რეჟიმის მიმართ, რომლებსაც სურთ კითხვის ნიშნის ქვეშ დააყენონ დემოკრატიის ეფექტიანობა და დემოკრატიის პოლიტიკური წონა“, - აღნიშნა ბრუნო ლე მერმა.