უკრაინის პრეზიდენტის ოფისის ხელმძღვანელის მრჩეველმა ოლექსეი არესტოვიჩმა განაცხადა, რომ რუსეთის ჯარებმა წინ წაიწიეს ზაპოროჟიეს ოლქში ენერგოდარში, თუმცა საერთო ჯამში უკრაინის არმია აკონტროლებს სიტუაციას.  

„სიტუაცია კონტროლს ექვედებარება. მოწინააღმდეგემ გუშინ, 3 მარტს რეზერვის შევსების შემდეგ ზოგიერთი მიმართულებით წინ წაიწია.

მან მცირე წარმატებას მიაღწია ქალაქ ენერგოდარში, ნაწილობრივ კონტროლი დაამყარა ზაპოროჟიეს ატომურ ელექტროსადგურზე. წინ წაიწია ქალაქ ვოზნესენსკთან  - ნიკოლაევიდან კრივოი როგის მიმართულებით. ჩვენმა ძალებმა შეაჩერეს. ახლა მიმდინარეობს ბრძოლები. მოწინააღმდეგის მცდელობა წინ წასულიყო ნიკოლაევის მიმართულებით, ჩაშლილია“, - განაცხადა არესტოვიჩმა.

ამჟამად ყველაზე ცხელი წერტილია კიევიდან ჩრდილო-დასავლეთით, იქ მძიმე ბრძოლები მიმდინარეობს. არესტოვიჩის თქმით, სახმელეთო დანაყოფები, ავიაცია და არტილერია მოწინააღმდეგეს აჩერებენ. ქალაქები ხარკოვი, ახტირკა დიდი დარტყმების ქვეშაა, მაგრამ თავდაცვის ძალები მედგარ წინააღმდეგობას უწევენ.

არესტოვიჩის თქმით, ახტირკისა და ხარკოვის გმირულმა თავდაცვამ მტერი შეაჩერა.

ჩერნიგოვმა გაუძლო ავიადარტყმებს, მტერი ამ მიმართულებით არ გადაადგილდება.

მარიუპოლი ნაწილობრივ მტრის ალყაშია. მაგრამ ვითრება კონტროლირებადია.  ქალაქში მყოფი უკრაინული ძალები მტრის მიერ ქალაქის სრულ ალყაში მოქცევის მცდელობას იგერიებენ. იქ ჰუმანიტარული მდგომარეობა მძიმეა. ოდესას უშუალო საფრთხე არ ემუქრება. „მოწინააღმდეგის ხომალდების  მხრიდან ცეცხლის გახსნის არაერთი მცელობა ჩვენმა არტილერიამ ჩაახშო“, - განაცხადა არესტოვიჩმა.

„გუშინ ჩვენ რამდენიმე მძალვრი დარტყმა მივაყენეთ მოწინააღმდეგეს, ამ დარტყმებმა გააჩერა მათი გადაადგილება სხვა მიმართულებით. ვფიქრობ, ჩვენ გვექნება ფრთხილი ოპტიმიზმი მტრის შემდგომი შეტევის პერსპექტივასთან დაკავშირებით“, - აღნიშნა არესტოვიჩმა.