რუსეთი უკრაინის ქალაქების წინააღმდეგ ბელარუსის ტერიტორიიდან  სარაკეტო დარტყმებს აგრძელებს. ამის შესახებ ნათქვამია უკრაინის შეიარაღებულ ძალების გენშტაბის მიერ გავრცელებულ ინფორმაციაში.

 „მოწინააღმდგე განაგრძობს შეტევით ოპერაციას უკრაინის წინააღმდეგ. დღე-ღამის განმავლობაში რუსი ოკუპანტი სარაკეტო  და საარტილერიო დარტყმებს აყენებდა უკრაინის დასახლებულ პუნქტებს. დამპრობლები იყენებენ ბელარუსის აეროდრომების ქსელს უკრაინის წინააღმდეგ ავიადარტყმების განსახორციელებლად“, - ნათქვამია განცხადებაში.

ამასთან, აღნიშნულია, რომ დაფიქსირდა არაერთი დადგმული რეპორტაჟის შემთხვევა რუსული ტელარხებისთვის დამპრობლების მხრიდან „გამოჩენილი ჰუმანურობისა და ადამიანურობის“ შესახებ.

ასევე სოციალურ ქსელებში ვრცელდება კონტენტი, რომელშიც ნეგატიურად შუქდება უკრაინის შეიარაღებული ძალების ქმედებები.

 „უკრაინის შეიარაღებული ძალები ახორციელებენ თავდაცვით ოპერაციას ყველა მიმართულებით. მტერი განიცდის ცოცხალი ძალის, სახმელეთო ტექნიკისა და საჰაერო თავდასხმის საშუალბების უდიდეს დანაკარგს.  ბარდებიან ტყვედ“, - აღნიშნულია გენშტაბის განცხადებაში.