მოსკოვი იმ კომპანიების ქონების ნაციონალიზაციას გეგმავს, რომლებმაც უკრაინასთან ომის გამო, რუსეთში საქმიანობა შეწყვიტეს
პარტია „ედინაია როსია“ აცხადებს, რომ მოხდება იმ კომპანიების ქონების ნაციონალიზაცია, რომლებმაც უკრაინაში შეჭრის გამო რუსეთში საქმიანობა შეწყვიტეს.
ამის შესახებ „ედინაია როსიას“ გენერალური საბჭოს მდივანმა ანდრეი ტურჩაკმა განაცხადა.
მან უცხოეთის კომპანიების ქმედებას „განზრახ გაკოტრება“ უწოდა.
„ფასი {წარმოების დახურვის გადაწყვეტილები} დიდი რაოდენობით უსამსახუროდ დარჩენილი რუსი მუშახელია“, - განაცხადა ტურჩაკმა.
„ამის გულგრილად ყურებას არ ვაპირებთ. მივიღებთ მკაცრ საპასუხო ზომებს, ვიმოქმედებთ ომის კანონების მიხედვით“, - განაცხადა მან.
