British Petroleum-მა რუსული ნავთობისა და გაზის შეძენაზე უარი განაცხადა

ბრიტანეთის ტრანსნაციონალური ნავთობისა და გაზის კომპანია British Petroleum-ი (BP) რუსულ ნავთობსა და გაზს აღარ შეიძენს.

ამის შესახებ კომპანიის ოფიციალურ ვებგვერდზე გამოქვეყნებულ განცხადებაშია ნათქვამი.

„დღეს BP-ის დირექტორთა საბჭომ განაცხადა, რომ BP ტოვებს „როსნეფტის“ აქციათა პაკეტს. BP 2013 წლიდან „როსნეფტის“ აქციების 19,75 პროცენტს ფლობს“, - ნათქვამია კომპანიის განცხადებაში.

ამის გარდა BP-ის გენერალური დირექტორი ბერნარდ ლუნი  და „როსნეფტის“ დირექტორო ბობ დადლი, რომელიც BP-ის მიერაა დანიშნული, „როსნეფტის“ დირექტორთა საბჭოს ტოვებენ.

„უკრაინაზე რუსეთის თავდასხმა არის აგრესიის ატქი, რომელსაც მოაქვს ტრაგიკული შედეგები მთელი რეგიონისთვის.  BP რუსეთში 30 წელზე მეტია მუშაობდა, თავის შესანიშნავ რუს კოლეგებთან ერთად. თუმცა ამ ომმა ყველაფერი შეცვალა.

ამ ყველაფრის შემდეგ სახელმწიფო კომპანია „როსნეფტისთან“ ჩვენი თანამშრომლობა შეუძლებელია.

ჩვენ მხარს ვეღარ დავუჭერთ BP-ს წარმომადგენლებს „როსნეფტის“ დირექტორთა საბჭოში. . ჰოლდინგ „როსნეფტის“ აღარაფერი აკავშირებს ბიზნესთან და BP-ის სტრატეგიასთან და დირექტორთა საბჭომ „როსნეფტიში“ BP-ის აქციათა პაკეტიდან გასვლის გადაწყვეტილება მიიღო. BP-ის დირექტორთა საბჭოს მიაჩნია, რომ ეს გადაწყვეტილება პასუხობს ყველა ჩვენი აქციონერის გრძელვადიან ინტერესებს“, - განაცხადა BP-ის აღმასრულებელმა დირექტორმა ჰელგე ლუნდმა.

რუსული ნავთობისა და გაზის შესყიდვაზე უარი თქვა ნავთობკომპანია Shell-მაც.