აშშ-ის პრეზიდენტმა ჯო ბაიდენმა ოფიციალურად გამოაცხადა რუსული ნავთობის იმპორტის აკრძალვა, უკრაინაში რუსეთის სამხედრო ინტერვენციის შეჭრის საპასუხოდ.

მისი თქმით, გამოცხადებული ზომები ასევე მოიცავს რუსული გაზისა და ქვანახშირის იმპორტის აკრძალვას.

ბაიდენის განცხადებით, ეს ნაბიჯი ნიშნავს, რომ "ამერიკელი ხალხი კიდევ ერთ ძლიერ დარტყმას მიაყენებს" პუტინის ლიდერობას.

"ჩვენ არ მოვახდენთ პუტინის ომის სუბსიდირას", - დასძენს ბაიდენი.

აკრძალვა მორიგი დარტყმა იქნება რუსეთის ეკონომიკისთვის, რომელიც უკვე დაზარალდა დასავლეთის მიერ დაწესებული ფართომასშტაბიანი სანქციებით.

სატელევიზიო განცხადებაში ბაიდენმა თქვა, რომ შეერთებულმა შტატებმა გადაწყვეტილება მიიღო მოკავშირეებთან მჭიდრო კონსულტაციით, მაგრამ მას ესმის, რომ ზოგიერთი მისი ევროპელი მოკავშირე ვერ შეძლებს იგივე ნაბიჯის გადადგმას, რადგან ისინი დამოკიდებულნი არიან რუსულ ნავთობზე.

"შეერთებულმა შტატებმა რუსეთის წინააღმდეგ ისტორიაში ყველაზე ფართომასშტაბიანი სანქციები დააწესა და ამან შეაფერხა ქვეყანაში ბიზნესის კეთების შესაძლებლობა და დააზიანა მისი ეკონომიკა", - დასძინა ბაიდენმა.

საწვავის ფასების გაზრდის შიშის მიუხედავად, ამ ნაბიჯს აშშ-ში ორპარტიული პოლიტიკური მხარდაჭერა აქვს.

მანამდე, რუსეთი დაემუქრა დასავლეთს გაზის მიწოდების შეწყვეტით, თუ მისი ნავთობის იმპორტის აკრძალვა დაწესდებოდა.

რუსეთის ენერგომატარებლების ექსპორტის წილის მხოლოდ 8% მოდის აშშ-ზე, საიდანაც ნედლი ნავთობი მხოლოდ 3%.