უკრაინის შინაგან საქმეთა მინიტრის მრჩეველმა ვადიმ დენისენკომ განაცხადა, რომ ღამემ უკრაინაშ, შედარებით მშვიდად ჩაიარა, თუმვა ვითარება კვლავ რთული რჩება. იუწყება უკრაინული მედია.

 „საერთო ჯამში უკრაინაში ღამემ უწინდელთან შედარებით მშვიდად ჩაიარა, თუმცა მოდუნება ჯერ ნაადრევია. გუშინ და დღეს დილით წავიკითხე ძალიან ბევრი პოსტი, რომ თითქმის გავიმარჯვეთ, მაგრამ ყველას უნდა გვახსოვდე სპორტის პრინციპი -  მატჩი ფინალურ სასტვენამდე გრძელდება.

ამიტომ მოცემულ შემთხვევაში ჯერ ნაადრევია მოდუნება. მტერი ჯერ კიდევ ძლიერია. ის კიევთან არის, ციდლობს ოზიუმის მიმართულებით წინსვლას და მის აღებას, თუმცა საბედნიეროდ,  არ გამოსდის. ჩვენი ჯარი შესანიშნავად იბრძვის, თუმცა საერთო ჯამში სიტუაცია საკმაოდ რთული რჩება“, - განაცხადა დენისენკომ.

უკრაინული მედიის ინფორმაციით, ომის მე-14 დღეს შეიარაღებული ძალები აგრძელებენ თავდაცვის ოპერაციას გარკვეული ზონების ფარგლებში.

ჩრდილოეთისა და ჩრდილო-დასავლეთის მიმართულებით გრძელდება საომარი მოქმედებები პოლესკისა და ვოლინსკის რაიონებში, ასევე უკრაინის საზღრის გასწვრივ ნეჟინის, ივანიცის, ტროსტიანეცის დასახლებულ პუნქტებში. გრძელდება ჩერნიგოვის დაცვა.

კიევის თავდაცვის ძალები იგერიებს მტრის იერიშებს, აყენებს დარტყმებს მის შეტევით ჯგუფებს და მედგრად იცავს გარკვეულ ზონებს.

სამხრეთის მიმართულებით უკრაინის შეიარაღებული ძალები ახორციელებენ თავდაცვით ბრძოლას სახელმწიფო საზღვრისა და ზღვის სანაპიროების, ასევე აეროდრომებისა და კრიტიკულად მნიშვნელოვანი ინფრასტრუქტურის დაცვას.