რუსეთის პრეზიდენტის ახლო მეგობარი, გერმანიის ყოფილი კანცლერი გერჰარდ შროდერი,  მოსკოვში პუტინს შეხვდება. იუწყება გამოცემა Politico.

გამოცემა სხვა დეტალებზე არ საუბრობს, მხოლოდ აღნიშნავს, რომ შროდერი პუტინთან ომის შეწყვეტის შესახებ ისაუბრებს.

შროდერმა, ადრე  პუტინი უკრაინაში ომის დაწყების გამო გააკრიტიკა, თუმცა განაცხადა, რომ „ორივე მხარემ შეცდომა დაუშვა“. მისი თქმით, ნატო აღმოსავლეთით ძალიან გაფართოვდა ცივი ომის დასრულების შემდეგ და ამით კრემლის პოვოცირება მოახდინა.

გერმანიის საზოგადოებისა და მმართველი პარტია სოციალ-დემოკრატიული პარტიის მოწოდების მიუხედავად, რომლის წევრიც არის შროდერი, ის უკრაინაში რუსეთის ქმედებებისგან დღემდე არ დისტანცირდა. პარტიის წევრები მოითხოვენ, რომ შროდერმა დაუყოვნებლივ დატოვოს  მაღალანაზღაურებადი თანამდებოები რუსეთის ენერგეტიკულ კომპანიებში.

ამასთან, გავრცელებული ინფორმაციით, გერმანიაში, შროდერის ოფისიდან თანამშრომლები წავიდნენ.

ამის გარდა, მას ფეხბურთის კლუბ „ბორუსიას“ საპატიო წევრობაც ჩამოერთვა.