უკრაინის პრეზიდენტის ოფისის ხელმძღვანელის მოადგილის კირილ ტიმოშენკოს ინფორმაციით, რუსმა ოკუპანტებმა ქალაქ მელიტოპოლის მერი ივან ფიოდოროვი გაიტაცეს.

მერის გატაცების შესახებ იწუყება უკრაინის შინაგან საქმეთა მინისტრის მრჩეველი ანტონ გერაშენკოც. „მელიტოპოლში ოკუპანტების 10-კაციანმა ჯგუფმა გაიტაცა ქალაქის მერი ივან ფიოდოროვი, რომელმაც მტერთან თანამშრომლობაზე უარი თქვა“, - წერს გერაშენკო Telegram-ზე.

„გატაცების დროს, მას თავზე პოლიეთილენის ტომარა ჩამოაცვეს. მტერმა ის ქალაქის კრიზისის ცენტრში აიყვანა, სადაც ივანი ქალაქის სასიცოცხლო მნიშვნელობის საკითხებით იყო დაკავებული“, - წერს გერაშენკო.

გატაცებამდე ერთი საათით ადრე ივან ფიოდოროვმა  Facebook-ზე გამოაქვეყნა პოსტი, რომელშიც მელიტოპოლელ  მეწარმეებს დახმარებისთვის მადლობას უხდიდა.