ოკუპანტებმა მარიუპოლში უკვე 100-მდე ბომბი ჩამოაგდეს, მოკლულია 2 187 მშვიდობიანი მოქალაქე.

ინფორმაციას Telegram-ით ქალაქის ადმინისტრაცია ავრცელებს. იტყობინება უკრაინული მედია.

 „ყოველდღიურად მარიუპოლი რაშისტების მხრიდან ავიაიერიშებს განიცდის. ყოველ 24 საათში მშვიდობიანი ქალაქი სულ მცირე 22-ჯერ იბომბება. მარიუპოლში უკვე ჩამოგდებულია დაახლოებით 100 ავიაბომბი“, - ნათქვამია ინფორმაციაში.

ადმინისტრაციის წარმომადგენლები აღნიშნავენ, რომ ოკუპანტები ცინიკურად და მიზანმიმართულად ბომბავენ საცხოვრებელ სახლებს. მთლიანად ანგრევენ ბავშვთა საავადმყოფობსა და ქალაქის ინფრასტრუქტურას. საქალაქო საბჭოში ასვე აცხადებენ, რომ ყოველ დაბომბვას მოაქვს საშინელი ნგრევა და მშვიდობიანი მარიუპოლელების სიკვდილი.

 „სწორდ ციდან მოდის ქალაქში ბლოკირებული 400 ათასი მარიუპოლელისთვის ყველაზე დიდი საფრთხე. ამიტომ ნატო-ს მიერ უკრაინის ცის დახურვა ან საჰაერო თავდაცვის სისტემების გადმოცემა არის ის გადაწყვეტილება, რომელიც უკრაინაში ასობით ათასი უდანაშაულო ადამიანის სიცოცხლეს გადაარჩენს“, - ნათქვამია მარიუპოლის საქალაქო საბჭოს განცხადებაში.