აქტივისტებმა ლონდონში რუსი ოლიგარქის სასახლე დაიკავეს
ლონდონის ელიტურ რაიონში - ბელგრეივში აქტივისტებმა დაიკავეს რუსი ოლიგარქის ოლეგ დერიპასკას 25 მლნ ფუნტის ღირებულების სახლი. იუწყება Daily Mail.
აქტივისტები სახლში გვიან ღამით შეიჭრნენ, გამოფინეს უკრაინის დროშები და ტრანსპარანტები წარწერებით: „ეს უძრავი ქონება გათავისუფლებულია და „პუტინო, იდი ნა ხუი“.
ოლეგ დერიპასკა ერთ-ერთია იმ შვიდ ოლიგარქს შორის, რომელთა წინააღმდეგაც დიდმა ბრიტანეთმა სისხლში მოთხვრილი ხელებისთვის სანქციები დააწესა.
აღნიშნული ვილა ლონდონის ერთ-ერთ ყველაზე ძვირადღირებულ სახლად არის მიჩნეული და წარმოადგენს ინგლისის დედაქალაქის ერთ-ერთ ყველაზე ექსკლუზიურ მისამართს.
