რუსეთის პირველი არხის ეთერში რედაქტორი მარინა ოვსიანიკოვა გამოჩნდა პლაკატით „შეაჩერეთ ომი“
14 მარტს, საღამოს, რუსეთის პირველი არხის საინფორმაციო გადაცემა "ვრემიას" ეთერში, რომელსაც ჟურნალისტი ეკატერინე ანდრეევა უძღვებოდა, რედაქტორი მარინა ოვსიანიკოვა შევიდა, რომელსაც ხელში ეჭირა პლაკატი წარწერით: "შეაჩერეთ ომი. არ დაუჯეროთ პროპაგანდას. თქვენ აქ გატყუებენ. რუსები ომის წინააღმდეგ".
საინფორმაციო გადაცემის პროპაგანდისტი წამყვანი ამ დროს რუსეთის წინააღმდეგ დაწესებულ სანქციებსა და მისი შემსუბუქების მიზნით კრემლის მიერ გადადგმულ ნაბიჯებზე საუბრობდა.
გავრცელებული ინფორმაციით, მარინა ოვსიანიკოვა ადმინისტრაციული წესით დააკავეს.
